GIBak 50 milioi pertsona kutsatu ditu XX. mendean eta horietatik 20 milioi hil egin dira. Osasunaren Mundu Erakundeak 2000. urtean 5,3 milioi kasu berri diagnostikatu zirela jakinarazi du eta, horrenbestez, 36,1 milioi pertsona seropositibo dago munduan, horietarik % 90 garapen bidean dauden herrialdeetako biztanleak dira.
Ikerketa batzuen arabera, Afrikako herrialde kaltetuenetan, helduen % 15 kutsatuta dago eta gaur egun 15 urte dituzten gazteen herena gutxienez gaixotasun horrek jota hilko dela kalkulatzen da.
